ՀԱՆԱՊԱԶՕՐՅԱ ՀԱՑԸ

2016 թվականի հոկտեմբերի 20-ին Սյունիքի մարզի Սիսիան քաղաքի Արշակ Գրիգորյանի հ․1 հիմնական դպրոցում տոն էր, հացի տոն` «Հանապազօրյա հացը խորագրով»:
Թվում է, թե հացի մասին այնքան շատ է ասված, որ նոր խոսք ասել հնարավոր չէ: Սակայն երկրորդ «բ» դասարանի աշակերտները և դասվար Անահիտ Գևորգյանը կարողացան հանդիսատեսին մտովի տանել դեպի սերմնացաններ, քրտնաթոր հնձվորների անուշաբույր թոնրի շուրթին նստած հացթուխների աշխարհ, որտեղ շոշափելի զգացվեց հացի բույրն ու համը, ստացման դժվարություններն ու վաստակի երջանկությունը:
Փառաբանվեց հացը որպես մարդկային հարաբերությունների, բարության, հոգևորի և մարմնավորի բարձր արժեք` դասելուվ սուրբ սրբոց շարքը:
Միջոցառումն սկզբից մինչև վերջ շնչում էր ազգային ոգով` հայկական երգ ու պարի ուղեկցությամբ: Վերջում բոլոր հյուրերն իրենց քիմքում զգացին մարմնավորված Հիսուսի և հրեշտակների բաժանված նշխարհի համը….
dscf4874

dscf4873

dscf4866

dscf4860

dscf4858

dscf4842

dscf4833

dscf4832

«Սյունիք» տուրիստական ջոկատ

1973թ.-ին Վուրգ Ոսկանյանի գլխավորությամբ Սիսիանի թիվ 1 միջնակարգ դպրոցում ստեղծվել է «Սյունիք» տուրիստական ջոկատը: Ջոկատը տարիներ շարունակ հաջողությամբ մասնակցել է հանրապետությունում անցկացվող տուրիստական մրցումների, արժանացել բազմաթիվ պարգևների, պատվոգրերի, գավաթների, ուղեգրերի, շնորհակալագրերի:
1975թ.-ին «Սյունիք» տուրիստական ջոկատը մասնակցել է Հատիս լեռան բարձունքի հաղթահարման հանրապետական մրցումին, որտեղ գրավել է առաջին տեղը:
1978թ.-ին հանրապետական տուրիստական առաջնությունում դրսևորել է լավագույն արդյունք և կանգնել պատվո պատվանդանի առաջին հարթակում: Դպրոցի ուսուցիչներն ու աշակերտները իրականացրել են մի շարք հիշարժան էքսկուրսիաներ և արշավներ, որոնցից են 1. Ճանապարհորդություն Արցախ
2.Ուխտագնացություն Արցախում, քայլարշավ
3.Ուխտագնացություն Գարեգին Նժդեհի գերեզման:
«Սյունիք» տուրիստական ջոկատը իր առջև նպատակներ է դրել՝
ա) Դաստիարակել ֆիզիկապես և հոգեպես ամուր, հայրենիքին և համամարդկային արժեքների նվիրված սերունդ:
բ) Բարձրացնել աշակերտների ճանաչողությունը հայրենի բնության, պատմաճարտարապետական կոթողների, պատմության և աշխարհագրության վերաբերյալ
գ) Աջակցել տարածաշրջանի բնապահպանական գործընթացներին:
դ) Պաշտպանության տակ առնել տարածաշրջանում անհետացման եզրին գտնվող բուսական և կենդանական աշխարհի ներկայացուցիչներին:
Այսօր ջոկատը ի պատիվ իր ուսուցչի անվանակոչվել է Վուրգ Ոսկանյանի անվան «Սյունիք» տուրիստական ջոկատ:

Արշակ Ժորժիկի Գրիգորյան

Արշակ Ժորժիկի Գրիգորյան
Ծնվել է 1966թ.-ի հունիսի 22-ին Սիսիան քաղաքում:
1983թ.-ին ավարտել է Սիսիանի թիվ 1 միջնակարգ դպրոցը, որն այժմ կոչվում է Արշակ Գրիգորյանի անունով:
1984թ.-ին ընդունվել է Երևանի Պոլիտեխնիկական ինստիտուտի մեքենաշինական ֆակուլտետը, որն էլ ավարտել է 1992 թվականին:
Դպրոցական և ուսանողական տարիներին զբաղվել է արևելյան մարզաձևերով: «Թեքվանդո» մարտարվեստում հասել է զգալի հաջողությունների:1984-1986թթ. ծառայել է խորհրդային բանակում: Դեռ չհանձնած դիպլոմային աշխատանքները կամավոր հիմունքներով զինվորագրվել է Սիսիանի երկրապահ ջոկատին:
1992թ.-ի հոկտեմբերին մասնակցել է Գորիսի շրջանի Կոռնիձոր և Տեղ գյուղերը ռմբակոծող «Սաֆեռնիկ» կրակակետերի լռեցման մարտերին: բազմիցս մասնակցել է գումարտակի հետախուզական գործողություններին: Զոհվել է 1992թ.-ի դեկտեմբերի 10-ին Կապանի շրջանի սահմանների պաշտպանության մարտերում:
Արշակ Գրիգորյանի աճյունը հանգչում է Սիսիանի քաղաքային պանթեոնում:
Arshak